BRO Equality informinela e manushen kay si pe faza e implementipaski e proyektesko Psihologikuno azhutipe vash o juvla: Phanipe korkore pea, phanipe e yaverenca.
Odoleske kharatumen thay nkuraina savoren, mayangle e juvlen thay terne qhayen te aplikinen vash te len kotor thy ayeka te laqharen olengo mentaluno sastipe thay ayeka te ovelolen may kvalitativuno jivdipe. Ko vahti e pandemiako Covid-19, o juvla si ekspozime ververutne zorenca, krizenca, telaripyenca stigmatizaciya thay yaver. Ko ayeka situacie o juvla na rodena azhutipe numay korkore marnape keripea may qhelalo olengo jivdipe, para familiako thay e tryalipasko kote jivdinena. Odoleske o sheruno fokusi e akale proyektesko si deipe e psihologikune phikodeipasko juvlenge hay terne qhayenge kotar Prizrenosko thay Zhupako regioni, kotar verver etnikune komunitetya. Pshologikuno phikodeipe dikhlarla tematikune sikavipya, vorkshopya, vakeripya thay individualune terapiake sesie.
O proyekti adikergyola e sah bajakenge thay rekomandipyenge dende kotar Nacioanluni Sasipasko Instituti e Kosovako. Akharen maska, adikaren distanca, thoven tumare vasta. Akava proyekti vash vazdipe e pakyavipasko finansirinela o UNMIK. Vash registripe musay te biqhalen harnipea tumare personalune informacie (anav, angloanav, bersha, profesia, telefonesko gendo thay etniciteti) ani mail adresa: [email protected] maydosna ji 21.03.2021.
